Nýr dýralæknir
Höfundur: Helga Finnsdóttir • 7. Jan, 2011 • Flokkur: Fréttir
Vigdís Tryggvadóttir, dýralæknir, tók til starfa hér á stofunni í haust og er hún boðin hjartanlega velkomin. Vigdís lauk embættisprófi í dýralækningum frá Dýralæknaháskólanum í Kaupmannahöfn (KULIFE) vorið 2010 með áherzlu á smádýralækningar. Hún hefur mikinn áhuga á lyflækningum, en meðfram námi vann hún hjá NovoNordisk með tilraunadýr. Vigdís starfaði tímabundið á Ítalíu, annars hjá dýralækni og hins vegar hjá geitabónda við umönnun geitfjár. Vigdís er gift Eiríki Búasyni verkfræðingi og eiga þau dæturnar Sóldísi og Sunnevu.
Helga Finnsdóttir , dýralæknir, lauk námi frá Konunglega dýralækna- og landbúnaðarháskólanum í Kaupmannahöfn 1979. Starfaði sem dýralæknir á göngudeild skólans (Ambulatorisk Klinik) til ársloka 1980. Var í sérnámi í sjúkdómum hunda og katta í Kaupmannahöfn 1993 - 1996 og hlaut að námi loknu viðurkenningu danska dýralæknafélagsins sem fagdýralæknir í sjúkdómum hunda og katta. Hefur sótt fjölmörg námskeið erlendis eftir að námi lauk í smádýralækningum sem og atferli hunda og katta.
Formaður vísindaráðs Hundaræktarfélags Íslands og einn af stofnendum hvolpaskóla HRFÍ (1986) og viðurkenndur leiðbeinandi á hvolpanámskeiðum skólans. Ritsjóri SÁMS, félagsblaðs HRFÍ 1987 - 1992 og hefur ritað fjölmargar greinar um sjúkdóma hunda og katta. Hefur verið skipuð í nokkrar nefndir um málefni gæludýra.
Skoða allar færslur sem Helga Finnsdóttir hefur skrifað
