Dýralækningastofa Helgu Finnsdóttur

Stofan í Skipasundi

Dýralækningastofa Helgu Finnsdóttur var stofnuð árið 1981 og frá upphafi hefur verið lögð áherzla á faglega þekkingu og góða þjónustu við viðskiptavini stofunnar.

Þekking – Reynsla – Þjónusta

Hverrar tegundar sem dýrið þitt er, þá bjóðum við ykkur velkomin hingað á stofuna og munum sinna ykkur af alúð og umhyggju.

Rannsóknir

Stofan er mjög vel búin tækjum til margvíslegra rannsókna og aðgerða. Hér eru tæki m.a. til ómskoðunar og röntgenmyndatöku, blóðrannsókna, tannhreinsunar o.fl. o.fl.

Tímapantanir og viðtalstímar

eru alla virka daga milli klukkan 08 -11 í síma 553 7107.

Utan almenns vinnutíma og um helgar, er neyðarþjónusta fyrir veik eða slösuð dýr.
Upplýsingar um vakthafandi dýralækni eru í síma 553 7107.

Starfsfólkið

Helga Finnsdóttir

Helga Finnsdóttir, dýralæknir, lauk námi frá Konunglega dýralækna- og landbúnaðarháskólanum í Kaupmannahöfn 1979. Starfaði sem dýralæknir á göngudeild skólans (Ambulatorisk Klinik) til ársloka 1980.  Var í sérnámi í sjúkdómum hunda og katta í Kaupmannahöfn 1993 – 1996 og hlaut að námi loknu viðurkenningu danska dýralæknafélagsins sem fagdýralæknir í sjúkdómum hunda og katta. Hefur sótt fjölmörg námskeið erlendis eftir að námi lauk í smádýralækningum sem og atferli hunda og katta.
Formaður vísindaráðs Hundaræktarfélags Íslands og einn af stofnendum hvolpaskóla HRFÍ (1986) og viðurkenndur leiðbeinandi á hvolpanámskeiðum skólans. Ritsjóri SÁMS, félagsblaðs HRFÍ 1987 – 1992 og hefur ritað fjölmargar greinar um sjúkdóma hunda og katta. Hefur verið skipuð í nokkrar nefndir um málefni gæludýra.

Josie

Begga

Flora-Josephine Hagen Liste, dýralæknir,  lauk námi frá Dýralæknaháskólanum í Osló árið 2005 og hóf störf hér á stofunni í byrjun september 2006. Hún hefur sérstakan áhuga á lyflækningum hunda og katta en einnig á atferli og þjálfun hunda.

Bergþóra Eiríksdóttir, dýralæknir, sem hóf störf á stofunni 1. desember 2002 er nú í barneignarfríi heima með soninn Eirík.