Við erum á Facebook
Í okkar augum er dýrið þitt einstakt.
Velkomin(n) á vefsíðu Dýralækningastofu Helgu Finnsdóttur í Skipasundi 15, en sérgrein Helgu eru sjúkdómar hunda og katta með áherzlu á æxlun og pörun hunda.
Þekking – reynsla – þjónusta
Sama hverrar tegundar sem dýrið þitt er, þá bjóðum við ykkur velkomin hingað á stofuna og munum leitast við að sinna ykkur af þekkingu, alúð, umhyggju og áratuga reynslu.
Stofan er mjög vel búin tækjum svo sem blóðrannsóknar- og stafrænum röntgentækjum, tækjum til ómskoðunar og tannhreinsunar.
Geymum einnig fryst sæði.
eru alla virka daga milli klukkan 10 – 11
í síma 553 7107.
Nýjustu greinar
Óska öllum viðskiptavinum stofunnar, sem og gæludýraeigendum nær og fjær, gleðilegrar jólahátíðar og ljóss og friðar á nýju ári og megi komandi ár verða okkur öllum boðberi heilsu og hamingju. Þakka ykkur öllum, kæru viðskiptavinir, góð og ánægjuleg samskipti á líðandi ári. Með hátíðarkveðjum. Helga Finnsdóttir, dýralæknir Nú er kalt í veðri og því […]
Áramótin nálgast! »
Áramótin nálgast og þá fer að bera á hávaða frá flugeldum. Þessi tímamót eru spennandi tími fyrir marga sprengju-glaða menn, en eru þó að sama skapi tími ótta og skelfingar fyrir mörg gæludýr. Hávaðinn og ljósglamparnir sem fylgja flugeldunum og skottertunum geta valdið þeim verulegri hræðslu og svo mikilli að jafnvel djörfustu veiðihundum […]
Ófrjósemisaðgerðir katta »
Að mörgu er að hyggja þegar tekin er ákvörðun um að fá lítinn kettling á heimilið bæði hvað varðar ábyrgð á velferð hans ævina á enda, en ekki síður heilbrigði. Eitt af því mikilvægasta varðandi kisu, heilbrigði hennar og lífsgæði, er ákvörðunin um ófrjósemisaðgerð eða ekki.
Blöðrusteinar eru steinar, stórir sem smáir, sem myndast í þvagblöðrunni við sérstök skilyrði og geta fundizt í henni, jafnvel í tugatali.Ekki er óalgegnt að finna kristalla og steina í blöðru og þvagrás og einkenni vegna þeirra eru allt frá því að vera lítil til þess að vera lífshættulegur sjúkdómur.
Fuglainflúensa H5N5»
Fuglainflúensa, H5N1, bráðsmitandi veirusjúkdómur (A veira) í fuglum, barst fyrst til landsins árið 2021.
Fuglainflúensa hefur ekki greinzt í öðrum dýrategundum en fuglum hér á landi fyrr en núna í janúar. Þá staðfesti Tilraunastöð HÍ í meinafræði að Keldum tvö tilfelli skæðrar fuglainflúensu af stofninum H5N5 í köttum á höfuðborgarsvæðinu sem eru alvarleg tíðindi fyrir alla, ekki sízt kattaeigendur, en þetta eru fyrstu staðfestu tilfellin í köttum í heiminum.
Til að hindra fleiri smit og alvarleg veikindi, verður að koma í veg fyrir að kisa komist í tæri við, eða éti, veika/dauða fugla eða komist í fugladrit.
Legbólga er hættulegur sjúkdómur í tíkum og einnig læðum. Algengast er að tíkur veikist eftir 4 – 6 ára aldur og að fjórðungur þeirra fái legbólgu eftir 10 ára aldur.
