Sæðisbanki opnaður!
Höfundur: Helga Finnsdóttir • 4. maí, 2008 • Flokkur: FréttirDýralækningastofa Helgu Finnsdóttur í Skipasundi hefur nú opnað sæðisbanka og býður upp á geymslu á frystu hundasæði til lengri eða skemmri tíma sem og sæðingu með frystu sæði.
Alltaf er sætt beint í leg í gegnum legháls, án svæfingar.
Hér á stofunni er áratuga reynsla fyrir sæðingu með fersku sæði og fram til þessa hefur árangur af sæðingum með frystu sæði verið ágætur. Alltaf er sætt í gegnum legháls beint í leg, hvort heldur sem sæðið er ferskt eða fryst.
Við bjóðum einnig upp á faglega ráðgjöf um allt er viðkemur æxlunarfræði, þ.e. pörun, meðgöngu, fæðingu og umönnun hvolpa.
Vottorð og leyfi fyrir innflutningi sæðisins
Til að geta flutt frosið sæði til landsins þarf leyfi yfirvalda, þ.e. sjávar- og landbúnaðarráðuneytis, en innflutningur þess er óheimill nema að fengnu leyfi sjávar- og landbúnaðarráðherra og uppfylltum skilyrðum reglugerðar nr. 935/2004 um innflutning gæludýra og hundasæðis.
Mikilvægt er að huga snemma að þeim kröfum sem gerðar eru um bólusetningar, blóðsýni o.fl. þar sem tiltekinn tími þarf að líða frá því að bólusett er og þar til taka má sæði úr hundinum til innflutnings og sérstaklega að öll eyðublöð séu rétt útfyllt af þar til bærum aðilum, ella er hætta á að sæðið komist ekki inn í landið.
Kostnaður
Kostnaður við geymslu, móttöku og afhendingu sæðis er samkvæmt gjaldskrá Dýralækningastofu Helgu Finnsdóttur.
Helga Finnsdóttir , dýralæknir, lauk námi frá Konunglega dýralækna- og landbúnaðarháskólanum í Kaupmannahöfn 1979. Starfaði sem dýralæknir á göngudeild skólans (Ambulatorisk Klinik) til ársloka 1980. Var í sérnámi í sjúkdómum hunda og katta í Kaupmannahöfn 1993 - 1996 og hlaut að námi loknu viðurkenningu danska dýralæknafélagsins sem fagdýralæknir í sjúkdómum hunda og katta. Hefur sótt fjölmörg námskeið erlendis eftir að námi lauk í smádýralækningum sem og atferli hunda og katta.
Formaður vísindaráðs Hundaræktarfélags Íslands og einn af stofnendum hvolpaskóla HRFÍ (1986) og viðurkenndur leiðbeinandi á hvolpanámskeiðum skólans. Ritsjóri SÁMS, félagsblaðs HRFÍ 1987 - 1992 og hefur ritað fjölmargar greinar um sjúkdóma hunda og katta. Hefur verið skipuð í nokkrar nefndir um málefni gæludýra.
Skoða allar færslur sem Helga Finnsdóttir hefur skrifað
